Plantun de Prouvènço

Pèr coumpara dos planto d'encò nostre

Minuartia verna & Epilobium dodonaei subsp. dodonaei

Minuartia verna

Caryophyllaceae

Nom en français : Minuartie de printemps.

Descripcioun :
La lineto-dóu-printèms es uno pichoto planto renadivo que trachis en mato dins li tepiero roucaiouso de mountagno. Li cambo porton de pichòti fueio óupousado di tres costo. Pèr pas s'engana emé de planto proche, alucas li sepalo que dèvon èstre emé de bord membranous pas trop espès, di tres costo e bèn dubert à la flourido. Peréu li petalo an un ounglet courtet au contro de Minuartia villarii. Pensa d'utilisa la coumparesoun se sias pas segur qu'es eisa de s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 6 à 10 mm
Flourido : Printèms - Estiéu

Sòu : Ca
Autour basso e auto : 400 à 3000 m
Aparado : Vo
Jun à setèmbre

Liò : Tepiero roucaiouso - Esboudèu
Estànci : Mountagnard à Aupen
Couroulougi : Ouroufito-Éurasiatico
Ref. sc. : Minuartia verna (L.) Hiern, 1899

Epilobo(-di-fueio-de-roumanin)

Epilobium dodonaei subsp. dodonaei

Onagraceae

Noms en français : Epilobe à feuilles de romarin, Épilobe de Dodoens.

Descripcioun :
Epilobo que trachis en ribo d'aigo e dins lis esboudèu. Se recounèis subretout à si lòngui fueio que dounon d'èr à-n-aquéli dóu roumanin. La subsp. Dodonaei s'atrobo en plano fin qu'à l'estànci mountagnard. Sis estile soun de memo loungour que lis estamino.

Usanço :
Tant se poudrié qu'aguèsse li mémi usanço medicalo que lis àutris epilobo, pamens avèn pas d'entresigne segur pèr aquelo. Li jòuini fueio de la subsp. fleischeri èron acampado à passa tèms en Savoio e mesclado i soupo.